121
غزہ، 7 اکتوبر 2023 سے جاری اسرائیلی حملوں میں اب تک تقریباً 12 ہزار فلسطینی طالب علم شہید ہوچکے ہیں۔
غیر ملکی میڈیا کے مطابق غزہ کی وزارت تعلیم کا کہنا ہے کہ 1 سال سے جاری جنگ میں اب تک 11 ہزار 852 طالب علم جان کی بازی ہار گئے ہیں جبکہ 18 ہزار سے زائد زخمی ہیں۔
غیر ملکی میڈیا کے مطابق غزہ اور مغربی بینک میں جنگ کے آغاز سے لیکر اب تک 560 اساتذہ اور اسٹاف کے دیگر افراد بھی اسرائیلی حملوں میں شہید ہوئے جبکہ 3 ہزار 700 سے زائد زخمی ہوئے۔
وزارت تعلیم کا کہنا ہے کہ اسرائیلی فوج نے 362 تعلیمی اداروں کی عمارتوں پر بمباری کی اور اکثر کو تباہ کردیا گیا جبکہ اقوام متحدہ کے تحت چلنے والے 65 اسکولوں کو بھی بمباری سے تباہ و برباد کیا گیا۔
غیر ملکی میڈیا کے مطابق غزہ میں 7 لاکھ 18 ہزار طالبعلم تعلیم حاصل کرنے سے محروم ہیں جبکہ اکثر طالب علم ذہنی تناؤ کا شکار بھی ہیں۔
