107
پاکستان میں پیٹرول اور ڈیزل کی قیمتوں میں کمی کا امکان ہے۔
عالمی مارکیٹ میں پیٹرولیم مصنوعات کی قیمتوں میں کمی کے باعث ملک میں پیٹرول اور ڈیزل کی قیمتوں میں کمی کا امکان ہے۔
بین الاقوامی منڈی میں پیٹرول اور ڈیزل کی قیمتوں میں کمی کو دیکھتے ہوئے پیٹرول کی قیمت میں 3 روپے فی لیٹر جبکہ ڈیزل کی قیمت میں 2 روپے 30 پیسے کمی ہو سکتی ہے۔
گزشتہ 15 دنوں کے دوران بین الاقوامی مارکیٹ میں پیٹرول کی اوسط قیمت 1.5 ڈالر فی بیرل اور ہائی اسپیڈ ڈیزل کی اوسط قیمت 2.5 ڈالر فی بیرل کم ہوئی ہے۔
بین الاقوامی مارکیٹ میں پیٹرول کی اوسط فی بیرل قیمت 77.5 ڈالر کے مقابلے میں 76 ڈالر پر آگئی ہے، اسی طرح ہائی اسپیڈ ڈیزل کے فی بیرل نرخ 86.5 ڈالر سے کم ہو کر 84 ڈالر فی بیرل پر آ گئے ہیں۔
یاد رہے کہ پیٹرول اور ڈیزل کی قیمتوں کا حتمی اعلان وزیراعظم شہباز شریف کیجانب سے منظوری کے بعد 31 اکتوبر کو کیا جائے گا۔
