66
ڈیرہ اسماعیل خان میں سکیورٹی فورسز کی کاررائیوں میں 7 خوارج ہلاک ہوگئے۔
آئی ایس پی آر کا بتانا ہے کہ 23 فروری کو ڈیرہ اسماعیل خان کے علاقے درابن میں سکیورٹی فورسز نے خوارج کی موجودگی کی اطلاعات پر آپریشن کیا۔
آئی ایس پی آر کے مطابق سکیورٹی فورسز نے مؤثر طریقے سے خوارج کے ٹھکانے کو نشانہ بنایا اور 4 خوارج ہلاک ہوئے۔
آئی ایس پی آر کا بتانا ہے کہ ڈی آئی خان کے علاقے مدی میں بھی سکیورٹی فورسز نے 3 خوارج کو ہلاک کیا اور ہلاک ہونیوالے خوارج کے قبضے سے اسلحہ اور گولہ بارود برآمد ہوا۔
پاک فوج کے تعلقات عامہ آئی ایس پی آر کے مطابق علاقے میں مزید کسی بھی خارجی کے خاتمے کے لیے کلیئرنس آپریشن جاری ہے، سکیورٹی فورسز ملک سے دہشتگردی کے ناسور کو جڑ سے اکھاڑ پھینکنے کے لیے پُرعزم ہیں۔
