75
کوئمبتور،تامل ناڈو کے علاقے کوئمبتور میں ایک کمپنی نے اپنے 140 ملازمین کو کمپنی کے ساتھ وفاداری پر 14.5 کروڑ بھارتی روپے کے بونس سے نوازا جو 46 کروڑ 7 لاکھ پاکستانی روپے بنتے ہیں۔
بھارتی نجی کمپنی اپنے ملازمین کی حوصلہ افزائی کرتی ہے ،جو کمپنی کیساتھ طویل عرصے تک ہیں اور انہیں ان کی کارکردگی کی بجائے وفاداری کی بنیاد پر بونس پیش کرتی ہے۔
بونس کمپنی کے”ٹوگیدر وی گرو انیشی ایٹیو“ کا ایک حصہ ہے جس کا مقصد دیگر کمپنیوں سے خود کوزیادہ بہتر کرنا ہے ۔
کمپنی کے سی ای او سراوان کمار کی جانب سے وضاحت کی گئی ہے کہ یہ اقدام ان ملازمین کے لیے ڈیزائن کیا گیا ہے جو 2022 سے پہلے یا اس کے دوران شامل ہوئے اور اگلے 3 سال تک کمپنی کے ساتھ رہے۔
سی ای او کا کہنا ہے کہ شکر گزاری، فخر اور کامیابی کے اظہار کے طور پر ملازمین کو بھاری بونس اور تنخواہیں دیں،اس اقدام کا مقصد دیگر مسابقتی کمپنیوں سے خود کو ممتاز کرنا ہے۔
