35
اسلام آباد، سوشل میڈیا پر جھوٹا پروپیگنڈا کرنے پر آئی جی اسلام آباد کی جانب سے 11 ملزمان کو نوٹس جاری کردیے گئے۔
ذرائع کا بتانا ہے کہ سوشل میڈیا پر جرائم کی روک تھام کے لیے ایکٹ 2016 کے سیکشن 30 کے مطابق وفاقی حکومت نے آئی جی پولیس کے ماتحت مشترکہ تحقیقاتی ٹیم (جے آئی ٹی) بنائی ہے۔
ذرائع کا بتانا ہے کہ جے آئی ٹی کے سربراہ آئی جی اسلام آباد کی جانب سے جاری نوٹس میں ملزمان کو طلب کیا گیا۔
ملزمان نے سوشل میڈیا پر جھوٹے پروپیگنڈے کے ذریعے پاکستان میں انتشار پھیلایا۔
ذرائع کے مطابق جے آئی ٹی ملزمان اور ان کے ساتھیوں کے پسِ پردہ مقاصد کا تعین کرنے کے لیے تحقیقات کر رہی ہے، مزید مجرموں کی شناخت اور ان کے خلاف قوانین کے تحت کارروائی کی جا رہی ہے۔
ذرائع کا بتانا ہے کہ جے آئی ٹی کے پاس ملزمان کے خلاف ٹھوس شواہد بھی موجود ہیں۔
