126
ایران، اسرائیل کیساتھ مل کر کام کرنیوالے 12 افراد کو گرفتار کرلیا گیا ہے۔
ایران کی پاسداران انقلاب کی جانب سے اسرائیل کیساتھ مل کر کام کرنے والے 12 افراد کو حراست میں لیا گیا ہے۔
غیر ملکی میڈیا کے مطابق ذرائع پاسداران انقلاب کی جانب سے 12 جاسوسوں کی گرفتاری کی تصدیق کرتے ہوئے یہ بتایا گیا ہے کہ گرفتار کیے گئے تمام افراد دشمن ملک اسرائیل کے لیے کام کرتے تھے۔
ذرائع پاسداران انقلاب نے یہ نہیں بتایا کہ یہ گرفتاریاں کب اور کہاں سے کی گئیں اور نہ ہی زیر حراست افراد کی شناخت ظاہر کی گئی ہے۔
واضح رہے کہ اسرائیل ایران میں حماس کے رہنما اسماعیل ہنیہ سمیت کئی بڑی کارروائیوں میں ملوث رہا ہے، اسرائیل ایران میں اس طرز کی کارروائیاں مقامی افراد کی معاونت سے کرتا ہے۔
