لاہور میں ڈولفن اسکواڈ نے کارروائی کرتے ہوئے خود کو مسلمان ظاہر کر کے مسلم خاتون سے مبینہ طور پر دھوکا دہی کے ذریعے شادی کرنے والے ملزم کو گرفتار کر لیا۔

ترجمان ڈولفن فورس کے مطابق ملزم کے خلاف پشاور میں مختلف دفعات کے تحت مقدمہ درج ہے اور وہ عدالتی مفرور بھی تھا۔ حکام کا کہنا ہے کہ ملزم نے اپنی شناخت چھپا کر ایک مسلم خاندان میں شادی کی تھی، جس پر اس کے خلاف دغا بازی، خود کو مسلمان ظاہر کرنے اور مذہبی شعائر کا مذاق بنانے کے الزامات کے تحت مقدمات درج کیے گئے۔

ڈولفن ٹیم نے ملزم کو مسلم ٹاؤن سے گرفتار کر کے مزید قانونی کارروائی کے لیے تھانہ وحدت کالونی کے حوالے کر دیا۔