پاکستانی معروف گلوکار عاصم اظہر نے محبت کے بارے میں اپنے تازہ خیالات سوشل میڈیا پر ایک بار پھر بحث کا موضوع بنا دیے ہیں۔
حال ہی میں ایک تقریب کے دوران جب ایک خاتون نے پوچھا کہ پیار ایک بار ہوتا ہے یا بار بار بھی ممکن ہے، تو عاصم اظہر نے سنجیدہ انداز میں جواب دیا کہ وہ پہلے سمجھتے تھے کہ محبت بار بار ہو سکتی ہے، لیکن اب انہیں یہ احساس ہوا ہے کہ حقیقی محبت صرف ایک بار ہی ہوتی ہے۔
عاصم اظہر کے اس بیان سے ان کے فکری اور سنجیدہ پہلو کی عکاسی ہوتی ہے، جو ظاہر کرتا ہے کہ زندگی میں لگاؤ کئی بار محسوس کیا جا سکتا ہے، مگر حقیقی پیار ایک ہی بار پایا جاتا ہے۔
عاصم اظہر نے انسٹاگرام کی تمام پوسٹس ڈیلیٹ کر دیں، مداحوں کو ’خدا حافظ‘ کہہ دیا
یہ گفتگو سوشل میڈیا پر وائرل ہو گئی ہے اور مداحوں کے درمیان عاصم اظہر کی نجی زندگی کے حوالے سے نئی بحث کو جنم دیا ہے۔ واضح رہے کہ اس سے قبل عاصم اظہر کی اداکارہ و ماڈل میرُب علی سے تین سالہ منگنی تھی، جو جون 2025 میں باہمی رضامندی سے ختم ہوئی تھی۔ بعد ازاں ان کے تعلقات اداکارہ ہانیہ عامر کے ساتھ دوبارہ بحال ہوئے۔
یہ بیان ایک ایسے وقت میں سامنے آیا ہے جب مداح عاصم اظہر اور ہانیہ عامر کے تعلقات کے بارے میں تجسس میں مبتلا ہیں۔
