13
ڈھاکا: بنگلادیش کی سابق وزیراعظم خالدہ ضیا کو تشویشناک حالت میں اسپتال کے انتہائی نگہداشت یونٹ (آئی سی یو) میں منتقل کر دیا گیا ہے۔
غیر ملکی خبر ایجنسی کے مطابق 80 سالہ خالدہ ضیا کو تین دن قبل پھیپھڑوں کے انفیکشن کی علامات کے بعد اسپتال میں داخل کیا گیا تھا اور ان کی حالت نازک ہونے پر آئی سی یو میں منتقل کیا گیا۔
پاکستان کے وزیراعظم شہباز شریف نے بھی خالدہ ضیا کی صحت یابی کے لیے نیک خواہشات کا اظہار کیا، جس پر بنگلادیش نیشنل پارٹی (بی این پی) نے سوشل میڈیا پر باقاعدہ شکریہ ادا کرتے ہوئے کہا کہ وزیراعظم پاکستان کا یہ اقدام دونوں ممالک کے درمیان تعلقات کی گرمجوشی کی عکاسی کرتا ہے اور پارٹی اس عمل کو قدر کی نگاہ سے دیکھتی ہے۔
