پاکستانی کرکٹ ٹیم کے کپتان عباس آفریدی نے ہانگ کانگ سپر سکسز میں کویت کے خلاف شاندار کھیل کا مظاہرہ کرتے ہوئے ایک اوور میں 6 چھکے مارے، جس کی ویڈیو سوشل میڈیا پر وائرل ہو گئی ہے۔
عباس آفریدی نے کویت کے خلاف 124 رنز کے ہدف کا تعاقب کرتے ہوئے صرف 12 گیندوں پر 55 رنز کی میچ وننگ اننگز کھیلی، جس میں 8 چھکے شامل تھے۔ ان کی اس جارحانہ بیٹنگ کی بدولت پاکستان نے میچ 4 وکٹوں سے جیت لیا اور اپنی مہم کا کامیاب آغاز کیا۔
ٹورنامنٹ کا دوسرا میچ پاکستان اور بھارت کے درمیان بارش کے باعث متاثر ہوا اور ڈک ورتھ لوئس میتھڈ کے تحت بھارت نے صرف 2 رنز سے یہ میچ جیتا۔
عباس آفریدی نے جنوری 2024 میں نیوزی لینڈ کے خلاف قومی ٹیم میں ڈیبیو کیا تھا اور اب اپنی جارحانہ بیٹنگ سے شائقین کرکٹ کے دل جیت رہے ہیں۔
پاکستان نے دوسرے کوارٹر فائنل میں جنوبی افریقا کو 5 وکٹوں سے شکست دے کر سیمی فائنل کے لیے کوالیفائی کر لیا ہے۔
