اسلام آباد: پاکستان ماحولیاتی ادارہ برائے تحفظ ماحولیات (پاک – ای پی اے) نے وفاقی دارالحکومت میں فضائی آلودگی اور سموگ پر قابو پانے کے لیے وہیکلز ایمیشن کنٹرول ایکشن پلان متعارف کرادیا ہے۔
وزارت موسمیاتی تبدیلی و ماحولیاتی رابطہ کے میڈیا ترجمان محمد سلیم شیخ نے بتایا کہ منصوبے کا مقصد گاڑیوں سے خارج ہونے والے زہریلے دھوئیں کو کم کرنا، صاف ایندھن کے استعمال کو فروغ دینا اور برقی گاڑیوں کی بڑھوتری ہے۔
اہم اقدامات:
- قلیل المدتی منصوبے کے تحت پاک ای پی اے اور اسلام آباد ٹریفک پولیس گاڑیوں کی چیکنگ کریں گے تاکہ قومی ماحولیاتی معیار پر عمل درآمد یقینی بنایا جا سکے۔
- تمام سرکاری گاڑیوں کے لیے نیشنل انوائرومنٹل کوالٹی اسٹینڈرڈ کی 100 فیصد مطابقت لازمی ہوگی۔
- نجی و تجارتی گاڑیوں کے لیے تھرڈ پارٹی اخراج ٹیسٹنگ شروع کی جائے گی۔ حالیہ چیکنگ کے دوران 215 گاڑیوں کو جرمانے اور 32 گاڑیوں کو قبضے میں لیا گیا۔
- ڈیزل گاڑیوں، ٹرکوں اور واٹر ٹینکروں پر خصوصی توجہ دی جائے گی، جبکہ پٹرول گاڑیوں میں کیٹالٹک کنورٹرز لازمی ہوں گے۔
- کچرا جلانے پر بھی جرمانے عائد کیے جائیں گے۔
طویل المدتی منصوبے (18 تا 60 ماہ):
- برقی گاڑیوں کا فروغ
- یورو-5 ایندھن 2027 تک اور یورو-6 ایندھن 2030 تک متعارف کرانا
- پرانی اور زیادہ دھواں چھوڑنے والی گاڑیوں کو مرحلہ وار ختم کرنا
محمد سلیم شیخ نے کہا کہ اسلام آباد کو صاف، جدید اور ماحول دوست ٹرانسپورٹ کا ماڈل شہر بنایا جائے گا اور اس منصوبے پر پاک ای پی اے، آئی سی ٹی انتظامیہ، سی ڈی اے، اوگرا اور اسلام آباد ٹریفک پولیس کے اشتراک سے عمل درآمد ہوگا۔
لاہور میں اسموگ شدت اختیار کر گئی، شہریوں کو گھروں میں رہنے کی ہدایت
ترجمان نے عوامی تعاون پر زور دیتے ہوئے کہا کہ ہر شہری کو اپنی گاڑیوں کی دیکھ بھال اور ماحول دوست رویوں کو اپنانا ہوگا تاکہ صاف اور صحت مند فضاء ممکن ہو۔
