لکی مروت کے علاقے سلطان خیل میں سیکیورٹی فورسز نے ایک کامیاب آپریشن کرتے ہوئے 8 خوارج کو ہلاک کر دیا ہے۔
سیکیورٹی ذرائع کے مطابق، پاک فوج نے 16 اکتوبر کو انٹیلی جنس اطلاعات کی بنیاد پر افغان طالبان کی پراکسی خوارج کی موجودگی کے بارے میں اطلاع ملنے پر سلطان خیل اور طوفان والا کے علاقوں میں فضائی اور زمینی نگرانی شروع کی۔
نگرانی کے دوران خوارج کی نقل و حرکت کی نشاندہی ہونے پر فورسز نے فوری کارروائی کی، جس کے نتیجے میں دہشت گردوں کو شدید نقصان پہنچایا گیا۔ آپریشن کے دوران دہشت گردوں کے قبضے سے بھاری مقدار میں اسلحہ اور بارود بھی برآمد ہوا ہے۔
باجوڑ: سیکیورٹی فورسز نے خوارج کی بارودی گاڑی فائر کر کے تباہ کر دی
مزید معلومات کے مطابق، گزشتہ چار دنوں میں افغان طالبان کے بھیجے گئے 108 خوارج کو ہلاک کیا جا چکا ہے۔ تاہم، آپریشن کے دوران چیک پوسٹ کی چھت گرنے سے ایک جوان شہید اور چھ اہلکار زخمی ہوئے ہیں۔
