4
سابق فاسٹ بولر محمد عامر نے سابق کپتان سرفراز احمد کو پاکستان کرکٹ بورڈ (پی سی بی) کے سلیکشن معاملات میں شامل کرنے کی تجویز کی حمایت کردی ہے۔
محمد عامر کا کہنا تھا کہ اگر سرفراز احمد کو سلیکشن کمیٹی میں کوئی ذمہ داری دی جاتی ہے تو یہ درست قدم ہوگا، کیونکہ وہ دیانتدار انسان ہونے کے ساتھ ساتھ موجودہ کھلاڑیوں کی خوبیوں اور خامیوں سے بخوبی واقف ہیں۔
انہوں نے کہا کہ فی الحال میڈیا رپورٹس میں ہی سرفراز احمد کو سلیکشن کمیٹی کا حصہ بنائے جانے کی خبریں سامنے آئی ہیں۔
اپنے ویڈیو پیغام میں محمد عامر نے ایک بار پھر ریٹائرمنٹ واپس لینے کی خبروں کی تردید کرتے ہوئے کہا کہ یہ وقت نوجوان کھلاڑیوں کے ساتھ آگے بڑھنے کا ہے۔
انہوں نے مزید کہا کہ پاکستان ٹیم نے ایشیا کپ کا فائنل کھیلا، دعا ہے کہ یہی کمبی نیشن مزید بہتر ہو اور پاکستان آئی سی سی ٹی ٹوئنٹی ورلڈکپ کا فائنل کھیلے اور چیمپئن بنے۔
