4
ملک میں چاول کی قیمتوں میں ایک بار پھر ہوشربا اضافہ دیکھنے میں آیا ہے، جہاں سیلہ کائنات اور کچی کائنات چاول کی قیمتوں میں 25 روپے فی کلو جبکہ 1 ہزار روپے فی من کا اضافہ ہوا ہے۔
تازہ تفصیلات کے مطابق سیلہ کائنات چاول 13,600 روپے فی من اور کچی کائنات چاول 14,000 روپے فی من میں فروخت ہو رہا ہے، جس کے باعث فی کلو قیمت بالترتیب 340 روپے اور 360 روپے تک پہنچ چکی ہے۔
دکانداروں کے مطابق چاول کی فصل حالیہ سیلاب کے باعث متاثر ہوئی ہے، جس کی وجہ سے رسد میں کمی آئی ہے۔ دوسری جانب پرانے چاول کی ذخیرہ اندوزی اور بلیک مارکیٹ میں فروخت نے بھی قیمتوں میں اضافے کو ہوا دی ہے۔
ماہرین اور صارفین کا کہنا ہے کہ حکومت کو چاول کی قیمتوں پر کنٹرول رکھنے کے لیے فوری اقدامات کرنے چاہییں تاکہ عام آدمی مزید مہنگائی کے بوجھ تلے نہ دب جائے۔
