پشاور، مشیر اطلاعات خیبر پختونخوا بیرسٹر سیف کا یہ کہنا ہے کہ سرکاری افسران کو جاتی امرا بلاکر تعیناتی کرنا شریف خاندان کا پرانا وطیرہ رہا ہے، پولیس حکام کی تعیناتی کا واحد میرٹ پاکستان تحریک انصاف ورکرز کو دبانا ہے۔
بیرسٹر سیف نے پنجاب حکومت کو تنقید کا نشانہ بناتے ہوئے کہا کہ مینڈیٹ چور وزیراعلیٰ غلط فہمی میں مبتلا ہے کہ وہ پنجاب کی اصلی راج کماری ہے، ٹک ٹاکر وزیراعلیٰ کی جانب سے پولیس کے ڈی پی اوز کو انٹرویو کے لیے جاتی امراء طلب کیا گیا ہے۔
مشیر اطلاعات کے پی کا یہ کہنا تھا کہ فارم 47 کی وزیراعلیٰ افسران کو جاتی امرا بلا کر تعیناتی کے فیصلے کرتی ہیں اور بعد میں ان افسران کو سیاسی مقاصد کیلئے استعمال کرتی ہیں۔
بیرسٹر سیف کا یہ کہنا تھا کہ مینڈیٹ چور شریف خاندان پرانے پٹواری کی ذہنیت کیساتھ حکومت چلا رہا ہے، پولیس حکام کے مطابق تعیناتی کا واحد میرٹ تحریک انصاف کے ورکرز کو دبانا ہے۔
مشیر اطلاعات کا یہ کہنا تھا کہ جو پولیس افسر پی ٹی آئی ورکرز کے خلاف ظلم ڈھاتے ہیں انہیں ترقی دی جاتی ہے، راج کماری فسطائیت کے نئے ریکارڈز بنارہی ہے، مینڈیٹ چور ٹولہ کچھ بھی کرلے عمران خان اور اسکے ورکرز کو توڑ نہیں سکتا۔
بیرسٹر سیف نے کہا کہ عمران خان کو تڑوانے کے لئے جاہل ٹولے نے ہر حربہ استعمال کیا مگر ناکام رہے، مینڈیٹ چور حکومت سے ہر چیز کا حساب لیا جائے گا۔
