لاہور میں مبینہ پولیس مقابلے، 2 ملزم ہلاک

لاہور، شفیق آباد اور بادامی باغ کے علاقوں میں سی سی ڈی پولیس کے مبینہ مقابلوں کے دوران 2 ملزم ہلاک ہوگئے۔

ترجمان سی سی ڈی کے مطابق شفیق آباد کے علاقے اکرم پارک میں مشکوک موٹرسائیکل سواروں کو رکنے کا اشارہ کیا گیا، جس پر ملزمان نے فائرنگ کر دی۔ جوابی کارروائی میں ایک ملزم عمران مارا گیا جبکہ اس کے دو ساتھی فرار ہونے میں کامیاب ہوگئے۔

پولیس کے مطابق بادامی باغ سبزی منڈی پل کے قریب بھی موٹرسائیکل سوار ملزم پولیس کی فائرنگ سے ہلاک ہوا، جس کی شناخت اعجاز کے نام سے ہوئی۔ دونوں لاشوں کو پوسٹ مارٹم کے لئے ہسپتال منتقل کر دیا گیا ہے۔