تل ابیب،اسرائیلی وزیراعظم نیتن یاہو کی جانب سے حماس کے رہا کیے جانیوالے 6 یرغمالیوں کے بدلے فلسطینی قیدیوں کی طے شدہ رہائی کو مؤخر کرنے پر حماس کا ردعمل سامنے آگیا۔
اسرائیلی وزیراعظم آفس کے جاری کردہ بیان کے مطابق حماس کی طرف سے بار بار کی جانیوالی خلاف ورزیوں ،جس میں ہمارے قیدیوں کی عزت کو مجروح کرنیوالی تقریبات اور پروپیگنڈے کے لیے ان کا مذموم سیاسی استعمال بھی شامل ہے، ان کی وجہ سے قیدیوں کی رہائی کو مؤخر کرنے کا فیصلہ کیا گیا۔
اسرائیلی وزیراعظم کے دفتر کےجاری کردہ بیان پر حماس نے کہا کہ اسرائیلی وزیراعظم جنگ بندی معاہدے کو سبوتاژ کرنے کے لیے گھناؤنا کھیل کھیل رہے ہیں۔
اسرائیلی وزیراعظم نے کہا کہ غزہ میں قیدیوں کی رہائی کا منظر دو اسرائیلی یرغمالیوں نے گاڑی سے دیکھا، حماس نے ویڈیو بھی جاری کردی، دونوں یرغمالیوں نے اپنی حکومت سے رہائی ممکن بنانے کی اپیل کی۔
دوسری جانب حزب اللہ کے شہید سربراہ حسن نصراللہ کی تدفین آج بیروت میں ہوگی، مختلف ملکوں سے لوگوں کی لبنان آمد جاری ہے۔
دارالحکومت بیروت سمیت لبنان بھر میں سکیورٹی ہائی الرٹ کردی گئی ہے۔
