اسرائیل کی شمالی غزہ میں رہائشی عمارتوں پر حملوں میں 50 بچوں سمیت 84 فلسطینی شہید ہوگئے۔
غیر ملکی میڈیا کا کہنا تھا کہ نصیرات میں گھروں پربمباری کے بعد امداد کے لیے پہنچنے و الوں پردوبارہ حملہ کیا گیا،غزہ سٹی میں ایک صحافی بھی شہیدہو گیا، مارے گئے صحافیوں کی تعدادتقریباََ 183 ہو گئی۔
فلسطینی مزاحمتی تنظیم حماس کی جانب سے تصدیق کر دی گئی ہے کہ اسرائیلی فوج کے حملوں میں سینئر رہنما حماس عزالدین قاصب شہید ہوگئے ہیں۔
غیر ملکی میڈیا کے مطابق اسرائیلی محاصرے اور حملے کے باعث شمالی غزہ کے علاقے میں امدادی سرگرمیوں کے لیے سول ڈیفنس، ریسکیو یا دوسرا کوئی امدادی ادارہ موجود نہیں ہے۔
دوسری جانب اسپین میں طوفانی بارشوں نے تبادہی مچادی، جسکے نتیجے میں 150 افراد جان کی بازی ہار گئے۔
اسپین میں طوفانی بارشوں کے نتیجے میں آنیوالے سیلاب نے بڑے پیمانے پر تباہی مچا دی، ہلاکتوں کی تعداد 150 ہو گئی۔
غیر ملکی میڈیا کے مطابق مشرقی صوبے والنسیا میں شدید بارشوں کے باعث آنے والے سیلاب سے نظام زندگی مفلوج ہو گیا، طوفانی بارشوں اور سیلاب سے انفرا اسٹرکچر کو بھی شدید نقصان پہنچا ہے۔
