پولینڈ نے اپنے پیٹریاٹ فضائی دفاعی نظام کو مشرقِ وسطیٰ منتقل کرنے سے انکار کر دیا ہے۔ غیر ملکی میڈیا کے مطابق پولش حکومت نے واضح کیا ہے کہ وہ اپنے دفاعی وسائل کسی اور خطے میں بھیجنے کے حق میں نہیں۔
پولینڈ کے وزیرِ دفاع کا کہنا ہے کہ پیٹریاٹ میزائل سسٹم اور اس سے وابستہ ہتھیار اس وقت ملک کی فضائی حدود کے تحفظ کے لیے نہایت اہم ہیں۔ انہوں نے مزید کہا کہ یہ نظام نیٹو کے مشرقی محاذ کے دفاع میں بھی کلیدی کردار ادا کر رہا ہے، اس لیے اسے کہیں اور منتقل کرنا ممکن نہیں۔
سعودی عرب کو 9 ارب ڈالر کے پیٹریاٹ میزائل فروخت کرنے کی منظوری
یہ فیصلہ ان خبروں کے بعد سامنے آیا ہے جن میں دعویٰ کیا گیا تھا کہ امریکا ممکنہ طور پر ایران کے خلاف کسی تنازع میں ان دفاعی نظاموں کو استعمال کرنا چاہتا ہے۔ تاہم پولینڈ نے اپنے قومی اور علاقائی دفاع کو ترجیح دیتے ہوئے اس تجویز کو مسترد کر دیا ہے۔
