بھارتی ریاست اترپردیش میں شدید بارشوں کے باعث 12 افراد ہلاک ہوگئے۔
بھارتی ریاست اترپردیش میں شدید بارشوں کے باعث سیلابی صورتحال پیدا ہوگئی جس کے نتیجے میں 12 افراد جان کی بازی ہار گئے۔
غیر ملکی میڈیا کے مطابق ریاست کے مختلف اضلاع میں تیز بارش نے جل تھل ایک کردیا۔
24 گھنٹوں میں ہونے والی بارشوں کے باعث جہاں سیلابی صورتحال پیدا کردی وہیں 12 افراد بھی مختلف حادثات میں اپنی جانیں گنوا بیٹھے ہیں۔
غیر ملکی میڈیا کے مطابق محکمہ موسمیات کی جانب سے ریاست کے اودھ اور روہیل کھنڈ کے بیشتر اضلاع میں شدید بارشوں، سیلاب اور دیگر واقعات کی وارننگ جاری کردی گئی ہے۔
غیر ملکی میڈیا کے مطابق ریاست اتر پردیش میں گزشتہ 24 گھنٹوں میں 28.6 ملی میٹر بارش ریکارڈ کی گئی ہے جبکہ 75 اضلاع میں شدید موسلا دھار بارشیں ہوئیں جہاں ہاتھرس ضلع میں سب سے زیادہ 185.1 ملی میٹر بارش ہوئی۔
اس کے علاوہ بارشوں کی وجہ سے مختلف اضلاع میں درجنوں مکانات کو بھی نقصان پہنچا ہے۔
