40
جنوب مشرقی یورپ کے ملک شمالی مقدونیہ میں ایک نائٹ کلب میں آتشزدگی کے نتیجے میں 59 افراد جان کی بازی ہار گئے جبکہ 150 سے زائد زخمی ہوگئے۔
غیر ملکی میڈیا کے مطابق، وزیر داخلہ نے پریس کانفرنس میں بتایا کہ یہ افسوسناک واقعہ دارالحکومت اسکوپیے سے 100 کلومیٹر دور کوچانی شہر کے ایک نائٹ کلب میں کانسرٹ کے دوران پیش آیا۔
وزیر داخلہ کا کہنا تھا کہ جھلس کر جاں بحق ہونے والے 35 افراد کی شناخت ہوچکی ہے، جبکہ زیادہ تر ہلاکتیں مقامی افراد کی ہوئی ہیں۔
ابتدائی تحقیقات کے مطابق، کچھ نوجوانوں نے آتشبازی کی جس کے باعث چھت میں آگ بھڑک اٹھی۔
پولیس نے واقعے کی مزید تفتیش شروع کر دی ہے اور 4 افراد کے وارنٹ گرفتاری بھی جاری کر دیے گئے ہیں۔
شمالی مقدونیہ کے وزیر اعظم ہرسٹیجن میکوسکی نے اس سانحے پر گہرے دکھ کا اظہار کرتے ہوئے کہا کہ اتنی بڑی تعداد میں نوجوانوں کی جانوں کا ضیاع ناقابل تلافی نقصان ہے۔
