فلپائن میں سمندری طوفان نے تبادہی مچا دی، جسکے نتیجے میں 100 افراد جان کی بازی ہار گئے۔
فلپائن میں سمندری طوفان ٹرامی سے تباہی کا سلسلہ جاری ہے اور اب تک 100 افراد طوفان کے باعث پیش آنے والے مختلف حادثات میں ہلاک ہو چکے ہیں۔
غیر ملکی میڈیا کا کہنا ہے کہ 24 اکتوبر کو فلپائن سے ٹکرانے والے طوفان ٹرامی کی تباہ کاریوں کا سلسلہ تاحال جاری ہے اور طوفان کی وجہ سے پیش آنیوالے مختلف حادثات میں ہلاک ہونیوالے افراد کی تعداد اب 100 سےبڑھ چکی ہے ۔
غیر ملکی میڈیا کا کہنا ہے کہ رہائشی علاقوں میں سیلاب اور شدید بارشوں کے باعث نظام زندگی درہم برہم ہوگیا اور گھروں میں پانی جمع ہونے سے شہری گھر کی چھتوں پر محصور ہو کر رہ گئے۔
غیر ملکی حکام کے مطابق طوفان کے خطرے کو دیکھتے ہوئے 5 لاکھ سے زائد لوگوں کو اپنے گھروں کو چھوڑنے پر مجبور کرنا پڑا جبکہ سیلابی صورتحال کے بعد اب تک 40 افراد لاپتہ ہیں جن کی تلاش تاحال جاری ہے۔
غیر ملکی حکام کے مطابق زخمیوں اور لاپتہ افراد کی وجہ سے اموات میں اضافے کا بھی خدشہ ہے۔
