نیویارک ، روس کو جنگی سازو سامان دینے کے الزام پر امریکا کی جانب سے 19 بھارتی کمپنیوں پر پابندیاں عائد کردی گئیں۔
غیر ملکی میڈیا کے مطابق امریکا نے دنیا بھر کی تقریباً 400کمپنیوں اور افراد پر پابندیاں عائد کرنےکا اعلان کیا ۔
امریکی وزارت خزانہ کا کہنا ہے کہ یہ پابندیاں روس کی فوج کو جدید ٹیکنالوجی اور سامان فراہم کرنےکی وجہ سے عائد کی گئی ہیں۔
روس کی جانب سے یوکرین کے خلاف غیر قانونی اور غیر اخلاقی جنگ لڑنے میں مدد فراہم کرنے والوں کے خلاف امریکا اور اس کے اتحادی ایسے اقدامات کرتے رہیں گے۔
غیر ملکی میڈیا کے مطابق امریکی پابندیوں کی زد میں 19بھارتی کمپنیاں اور 2بھارتی شخصیات آئی ہیں، بھارتی کمپنیاں روس کو الیکٹرانک، کمپیوٹر اور ایوی ایشن سے متعلق آلات فراہم کر رہی تھیں۔
امریکی پابندیوں پر ردعمل دیتے ہوئے ترجمان بھارتی وزارت خارجہ کا کہنا ہے کہ ان کمپنیوں نے بھارتی قوانین کی خلاف ورزی نہیں کی، معاملے پر امریکی حکام سے رابطے میں ہیں ، تاکہ ایشو حل ہوجائے ۔
