ایران اور اسرائیل کے درمیان جنگ کے خطرے کو دیکھتے ہوئے امریکہ اسرائیل کی حفاظت کیلئے میدان میں آگیا۔
نیویارک، مشرق وسطیٰ میں بڑھتی کشیدگی کو مدنظر رکھتے ہوئے ایران اور اسرائیل کے درمیان جنگ کا خطرہ موجود ہے اور امریکہ اسرائیل کی حفاظت کیلئے میدان میں آگیا ۔
غیر میڈیا کے مطابق2 ہفتےپہلے ہونیوالے ایرانی میزائل حملوں کے جواب میں اسرائیل حملے کی تیاری کر رہا ہے اور اس کے جواب میں مزید ایرانی حملوں کے دفاع کی بھی تیاری کا جائزہ لے رہا ہے۔
غیر ملکی رپورٹ کے مطابق ایران نے بھی کسی ممکنہ حملے کی صورت میں جوابی حملے کا منصوبہ تیار کررکھا ہے ۔
اسی جوابی حملے سے اسرائیل کے تحفظ اور دفاع کیلئے امریکا کی جانب سے اسرائیل کو اینٹی میزائل ڈیفنس سسٹم دینے کا فیصلہ کیا گیا ہے جو ٹرمینل ہائی ایلٹیٹیوڈ ایریا ڈیفنس (THAAD) کہلاتا ہے۔
امریکہ تھاڈ ایریا ڈیفنس سسٹم اسرائیل میں نصب کرے گا جو 150 سے 200 کلومیٹر کی رینج میں آنیوالے میزائلوں کو تباہ و برباد کرنے کی ابیلٹی رکھتا ہے، امریکی فوجی جدید میزائل ڈیفنس سسٹم کو اسرائیلی سرزمین پرکنٹرول کریں گے ۔
