بیروت، اسرائیل نے حزب اللہ ہیڈ کوارٹرز پر بڑا حملہ کیا ہے۔
غیر ملکی میڈیا کے مطابق اسرائیلی فورسز نے طاقتور میزائلوں سے فضائی حملےکیے۔
غیر ملکی میڈیا کا بتانا ہے کہ اسرائیلی فوج کی جانب سے ایئرپورٹ روڈ پر مخصوص عمارت کو نشانہ بنایا گیا، اسرائیلی طیاروں نے البرج عمارت پر 10 میزائل داغے۔
اسرائیلی فورسز کی جانب سے حزب اللہ کے سینٹرل کمانڈ کو بمباری کا نشانہ بنایا گیا، ترجمان اسرائیلی فوج کےمطابق حزب اللہ کا سینٹرل کمانڈ عمارت کے نیچے قائم کیا گیا تھا، بمباری کا اصل ٹارگٹ حزب اللہ سربراہ حسن نصراللہ تھے۔
امریکا کی دی ہوئی جرات سے ہی اسرائیل نے غزہ جنگ جاری رکھی ہوئی ہے، فلسطین
غیر ملکی میڈیا کے مطابق حزب اللہ کے سربراہ حسن نصراللہ محفوظ ہیں۔
اسرائیل کی جانب سے کسی بھی وقت جنوبی لبنان پر زمینی حملہ کرسکتا ہے، اسرائیلی فوج کی جانب سے درجنوں ٹینک، بکتر بند گاڑیاں اور دیگر ساز و سامان لبنانی سرحد پر پہنچا یا جاچکا ہے۔
اسرائیلی فوج نے چند دنوں میں جنوبی لبنان ، جو حزب اللہ کا گڑھ سمجھا جاتا ہے، حزب اللہ کے 500 سے زیادہ ٹھکانوں پر حملہ کیا ، حملوں کے نتیجے میں 700 سے زائد شہری جان کی بازی ہار گئے جن میں بڑی تعداد حزب اللہ کے ارکان کی ہے۔
