32
پاکستان کرکٹ بورڈ (پی سی بی) نے قومی کرکٹرز کے غیر ملکی کرکٹ لیگز میں کھیلنے کے لیے این او سی (نو آبجیکشن سرٹیفکیٹ) معطل کر دیے ہیں۔ اس فیصلے سے پاکستان کے اہم کھلاڑی متاثر ہوں گے۔
پی سی بی کے چیف آپریٹنگ آفیسر سمیر احمد نے این او سی معطلی کا نوٹیفکیشن جاری کیا ہے، جس کے مطابق غیر ملکی لیگز کے لیے جاری این او سیز کو معطل کر کے ہولڈ پر رکھ دیا گیا ہے۔
یہ فیصلہ ایشیا کپ کے فائنل میں پاکستان کی شکست کے ایک دن بعد لیا گیا۔
واضح رہے کہ پی سی بی نے پہلے بابر اعظم، شاہین آفریدی، محمد رضوان اور فہیم اشرف کو بگ بیش لیگ میں کھیلنے کے لیے این او سی جاری کیے تھے۔
