پاکستان کرکٹ بورڈ (پی سی بی) نے نوجوان کھلاڑیوں کی تعلیم کے فروغ کے لیے ایک اہم قدم اٹھاتے ہوئے نجی اسکول کے ساتھ اسکالرشپ معاہدہ کرلیا ہے۔
یہ معاہدہ لاہور میں پی سی بی ہیڈکوارٹر میں منعقدہ تقریب میں طے پایا، جس کے مہمانِ خصوصی چیئرمین پی سی بی محسن نقوی تھے۔ تقریب میں پاکستان وائٹ بال ٹیم کے ہیڈ کوچ مائیک ہیسن، ڈائریکٹر ڈومیسٹک کرکٹ عبداللّٰہ خرم نیازی اور جی ایم ڈومیسٹک جنید ضیاء بھی شریک ہوئے۔
معاہدے کے تحت ملک کے 16 ریجنز سے تعلق رکھنے والے انڈر 15، انڈر 17 اور انڈر 19 کیٹیگریز کے 120 نمایاں کھلاڑیوں کو مکمل مفت تعلیم فراہم کی جائے گی۔ یہ سہولت 31 جولائی 2028 تک جاری رہے گی۔
چیئرمین پی سی بی محسن نقوی نے کہا کہ نوجوان کرکٹرز کی تعلیمی معاونت خوش آئند اقدام ہے، اس سے کھلاڑی نہ صرف کھیل میں مہارت حاصل کریں گے بلکہ تعلیم پر بھی بھرپور توجہ دے سکیں گے۔
نجی اسکول کی جانب سے فراہم کردہ یہ اسکالرشپ پروگرام پی سی بی کے "تعلیم و کھیل ساتھ ساتھ” وژن کا حصہ ہے۔
PCB signs three-year addendum with Beaconhouse School to provide Academic Scholarship to Pathway Cricketers.
The addendum is aimed at providing free education to 120 top-performing players from and not limited to U15, U17 and U19 categories across 16 regions of the country 🏏… pic.twitter.com/ZnDCPG8e5q
— Pakistan Cricket (@TheRealPCB) October 19, 2025
