8
فیصل آباد: پاکستان کے سابق معروف آف اسپنر سعید اجمل کی والدہ انتقال کر گئیں۔ مرحومہ کے انتقال پر کرکٹ حلقوں میں گہرے دکھ اور افسوس کا اظہار کیا جا رہا ہے۔
مرحومہ کی نمازِ جنازہ فیصل آباد کے غلام محمد آباد کے بڑے قبرستان میں آج شام 6 بجے ادا کی جائے گی۔ اہلِ علاقہ، عزیز و اقارب اور کرکٹ سے وابستہ شخصیات کی بڑی تعداد کی شرکت متوقع ہے۔
پاکستان کرکٹ بورڈ کے چیئرمین محسن نقوی نے سعید اجمل کی والدہ کے انتقال پر گہرے رنج و غم کا اظہار کیا۔ انہوں نے سوگوار خاندان سے دلی ہمدردی اور تعزیت کرتے ہوئے مرحومہ کے بلند درجات اور مغفرت کے لیے دعا کی۔
چیئرمین پی سی بی نے اپنے تعزیتی پیغام میں کہا کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور سعید اجمل سمیت تمام لواحقین کو یہ صدمہ برداشت کرنے کا حوصلہ دے۔
