سابق وزیراعظم عمران خان کا کہنا ہے کہ آئینی ترمیم کا مقصد صرف چیف جسٹس کو بچانا ہے۔
راولپنڈی، سابق وزیراعظم و بانی پی ٹی آئی نے اڈیالہ جیل میں صحافیوں سے غیر رسمی گفتگو کرتے ہوئے یہ کہا کہ آئینی عدالت کے معاملے پر پوری طرح بحث ہونی چاہئے۔
صحافی کی جانب سے سابق وزیراعظم عمران خان سے یہ سوال کیا گیا کہ آپ نے چارٹر آف ڈیموکریسی پر دستحط کئے تھے اس میں آئینی عدالتوں کا قیام بھی موجود تھا، آپ کا اس بارے کیا موقف ہے۔
اس پر سابق وزیراعظم پاکستان عمران خان نے یہ جواب دیا کہ ہر چیز کا کوئی تناظر ہوتا ہے، تب میں اور آج میں فرق ہے، اس وقت آئینی ترمیم کا مقصد صرف اور صرف چیف جسٹس کو بچانا ہے، یہ سب کچھ رات کے اندھیرے میں نہیں ہونا چاہیے، یہ جو کرنے جارہے ہیں یہ آئین کے خلاف ہے۔
تحریک انصاف کا کہنا تھا کہ یہ سپریم کورٹ کو ختم کرنے جارہے ہیں، لاہور کا جلسہ Do and Die ہے، یہ اب بے شک جو مرضی کرلیں، ہم نے ساری پارٹی کو کہہ دیا کہ ، لازمی نکلنا ہے۔
افغان قونصلر کے قومی ترانے کے احترام میں کھڑے نہ ہونے کے حوالے سے سوال پرعمران خان نے جواب دیا کہ چھوڑو اس کو، یہاں ملکی مسائل بہت زیادہ ہیں، ملک کا مستقبل داؤ پر لگا ہوا ہے آپ کو اس کی پڑی ہوئی ہے۔
