پاکستان میں سونے کی قیمتوں میں زبردست اضافہ دیکھنے میں آیا ہے، جہاں عالمی اور مقامی مارکیٹ میں سونا ایک نیا ریکارڈ قائم کر گیا ہے۔
آل پاکستان جیمز اینڈ جیولرز ایسوسی ایشن کے مطابق، فی تولہ سونے کی قیمت ایک دن میں 14 ہزار 100 روپے بڑھ گئی ہے، جس کے بعد اس کی قیمت 4 لاکھ 56 ہزار 900 روپے تک پہنچ گئی ہے۔
اسی طرح 10 گرام سونے کی قیمت میں 12 ہزار 89 روپے کا اضافہ ہوا ہے، اور اب یہ 3 لاکھ 91 ہزار 718 روپے پر فروخت ہو رہا ہے۔
سعد رضوی کے گھر چھاپہ: کروڑوں کی نقدی، سونا اور غیر ملکی کرنسی برآمد
بین الاقوامی مارکیٹ میں بھی سونے کی قیمتوں میں اضافہ ہوا ہے، جہاں فی اونس سونا 141 ڈالر مہنگا ہوکر 4 ہزار 358 ڈالر کی نئی بلند ترین سطح پر پہنچ گیا ہے۔ اس اچانک اضافے نے سونے کی عالمی اور مقامی مارکیٹ دونوں میں ہلچل مچا دی ہے اور سرمایہ کاروں کے لیے تشویش کا باعث بنا ہے۔
