48
شنگھائی سی پورٹ سے پنجاب کے لیے 100 جدید ترین الیکٹرک بسیں روانہ، وزیراعلیٰ مریم نواز کے مطابق دسمبر تک صوبے کے ہر ضلع میں یہ سہولت دستیاب ہوگی۔ کرایہ صرف 20 روپے مقرر۔
لاہور، وزیراعلیٰ پنجاب مریم نواز شریف کی کاوش رنگ لے آئی، شنگھائی سی پورٹ سے مزید 100 جدید ترین الیکٹرک بسیں پاکستان کے لیے روانہ کر دی گئیں۔
وزیراعلیٰ نے بتایا کہ یہ بسیں چند ہفتوں میں پنجاب پہنچ جائیں گی اور دسمبر تک صوبے کے ہر ضلع میں جدید ترین الیکٹرک بسیں رواں دواں ہوں گی۔
انہوں نے کہا کہ عام آدمی کی سہولت کے لیے الیکٹرک بس کا کرایہ صرف 20 روپے رکھا گیا ہے تاکہ ہر طبقہ آسانی سے مستفید ہو سکے۔
سہولیات
- ایئرکنڈیشنڈ اور اندرونی موسم کنٹرول نظام
- خواتین کے تحفظ کے لیے سی سی ٹی وی مانیٹرنگ سسٹم
- کرایہ اور آرام دہ سفر کی سہولت
وزیراعلیٰ مریم نواز نے عوام کو پیغام دیا کہ ان شاءاللہ پنجاب کے عوام کو بہت جلد ہر ضلع میں آرام دہ اور جدید ترین بسوں کی سہولت میسر ہوگی۔
