141
لاہور ہائیکورٹ نے بانی پی ٹی آئی عمران خان کی اپنے خلاف درج تمام مقدمات کو یکجا کرنے کی درخواست عدم پیروی پر خارج کر دی۔
لاہور ہائیکورٹ میں سماعت کے دوران عدالت نے پنجاب حکومت کے وکیل سے استفسار کیا کہ درخواست گزار کے خلاف کتنے مقدمات درج ہیں، جس پر وکیل نے بتایا کہ 107 مقدمات عمران خان کے خلاف درج ہیں۔
چیف جسٹس عالیہ نیلم کے روبرو ہونے والی سماعت میں عمران خان کی جانب سے آج بھی کوئی وکیل پیش نہ ہوا، جس کی وجہ سے عدالت نے درخواست کو خارج کر دیا۔
عمران خان نے وزیراعلیٰ کے پی کو چھوٹی اور اپنی مرضی کی کابینہ بنانے کی ہدایت دی
واضح رہے کہ عمران خان نے یہ درخواست 2023 میں دائر کی تھی، جس میں مؤقف اختیار کیا گیا تھا کہ پنجاب کے تمام شہروں میں درج مقدمات کو یکجا کیا جائے۔
