شہر میں سکیورٹی خدشات کے پیش نظر جناح انٹرنیشنل ائیرپورٹ اور اس کے اطراف سکیورٹی مزید سخت کر دی گئی ہے۔ ذرائع کے مطابق رینجرز، پولیس اور ایئرپورٹ سکیورٹی فورس (ASF) کے اضافی دستے ائیرپورٹ کی حدود اور ملحقہ سڑکوں پر تعینات ہوں گے۔
ذرائع کا کہنا ہے کہ ائیرپورٹ پر صرف ٹکٹ یافتہ مسافروں کو داخلے کی اجازت ہوگی، جبکہ انتظامیہ نے شہریوں کو بلا وجہ ائیرپورٹ آنے سے گریز کرنے کی ہدایت کی ہے۔
اس کے علاوہ پاکستان ائیرپورٹس اتھارٹی ہیڈکوارٹر اور پاکستان انٹرنیشنل ایئرلائنز (پی آئی اے) سمیت متعلقہ دفاتر کی سکیورٹی بھی بڑھا دی گئی ہے۔ سول ایوی ایشن کالونی میں ملازمین اور رہائشیوں کے علاوہ دیگر گاڑیوں کے داخلے پر پابندی عائد کر دی گئی ہے، جبکہ بعض اہم سڑکوں کو بھی محدود کر دیا گیا ہے۔
پاکستان نے افغانستان کی مذاکرات کی تجویز مسترد کر دی
ذرائع کے مطابق سخت چیکنگ کے باعث راستوں میں تاخیر ہو سکتی ہے، اس لیے مسافروں کو ہدایت کی گئی ہے کہ وہ اپنی پرواز سے کافی پہلے ائیرپورٹ پہنچیں تاکہ کسی قسم کی دشواری سے بچا جا سکے۔
