سپریم کورٹ کی جج جسٹس مسرت ہلالی نے صحت کے مسائل کے سبب وفاقی آئینی عدالت کی جج بننے سے معذرت کر دی۔
ذرائع کے مطابق جسٹس مسرت ہلالی کا نام آئینی عدالت کے لیے زیر غور تھا لیکن انہوں نے آئینی عدالت کے جج کے طور پر خدمات انجام نہ دینے کا فیصلہ کیا۔
ذرائع کا مزید کہنا ہے کہ جسٹس مسرت ہلالی کا بینچ گزشتہ دنوں صحت کی خرابی کے باعث ڈی لسٹ ہو گیا تھا، جس کی وجہ سے وہ آئینی عدالت کے عہدے سے معذرت کر گئی ہیں۔
سپریم کورٹ کے دو ججز نے استعفیٰ دے دیا
یاد رہے کہ گزشتہ روز سینیٹ اور قومی اسمبلی نے 27 ویں آئینی ترمیم کی منظوری دی تھی، جس کے تحت وفاقی آئینی عدالت کا قیام عمل میں آیا۔ وزیراعظم شہباز شریف کی سفارش پر جسٹس امین الدین کو وفاقی آئینی عدالت کا پہلا چیف جسٹس مقرر کیا گیا۔
دوسری جانب، 27 ویں آئینی ترمیم پر تحفظات کا اظہار کرتے ہوئے سپریم کورٹ کے دو سینئر ججز، جسٹس منصور علی خان اور جسٹس اطہر من اللہ نے بطور جج سپریم کورٹ کے عہدوں سے استعفیٰ دے دیا اور اپنے استعفے صدر پاکستان کو ارسال کیے۔
