9
امیر جماعت اسلامی پاکستان، حافظ نعیم الرحمان نے کہا ہے کہ پاکستان کسی فردِ واحد، جنرل یا سیاست دان کی ملکیت نہیں بلکہ پوری قوم کا ہے۔
لاہور میں مینارِ پاکستان گراؤنڈ میں میڈیا سے بات چیت کرتے ہوئے انہوں نے کہا کہ ہر سیاسی جماعت کا کارکن اہم ہوتا ہے، اور وہی جماعت ملک کو صحیح سمت دے سکتی ہے جو خاندانی سیاست یا وراثتی نظام پر نہ چلتی ہو۔
حافظ نعیم الرحمان نے کہا کہ بنگلا دیش جو کبھی پاکستان کا حصہ تھا، گزشتہ ڈیڑھ دہائی سے بھارتی اثر و رسوخ کے تحت چل رہا ہے۔ ان کے مطابق ایک مشترکہ عنصر جو سب کو یکجا رکھ سکتا ہے وہ اسلام ہے۔
اب کی بار عوام ووٹ ڈالیں گے اور اس کی حفاظت بھی کریں گے، حافظ نعیم
انہوں نے دوبارہ اس بات پر زور دیا کہ ملک کسی طاقت ور طبقے یا سیاسی رہنما کے ہاتھ میں نہیں بلکہ عوام کا ہے۔
اپنی گفتگو کے اختتام پر ان کا کہنا تھا کہ ایک طرف جنگ بندی کی بات کی جاتی ہے اور دوسری طرف عالمی رہنماؤں خصوصاً ٹرمپ کی خوشنودی حاصل کرنے کی کوشش کی جاتی ہے، جو تضاد کی علامت ہے۔
