6
جنوبی وزیرستان، امن کمیٹی کے دفتر کے قریب دھماکے میں 6 افراد جان کی بازی ہار گئے اور کئی زخمی ہوئے۔
ڈپٹی کمشنر ناصر خان کے مطابق زوردار دھماکا وانا میں امن کمیٹی کے دفتر کے قریب ہوا جس میں 6 افراد اپنی جانیں گنوا بیٹھے اور 16 زخمی ہوئے۔
ڈپٹی کمشنر کے مطابق دھماکے کے زخمیوں کو ہیڈکوارٹر اسپتال وانا منتقل کیا جا رہا ہے۔
پولیس کا اس حوالے سے بتانا ہے کہ دھماکے سے امن کمیٹی کا دفتر مکمل طور پر تباہ و برباد ہوگیا ہے۔
یاد رہے کہ جنوبی وزیرستان میں دھماکوں کے پیچھے بنیادی طور پر دہشت گرد تنظیموں کی سرگرمیاں، افغانستان کی بدلتی ہوئی صورتحال، مقامی قبائلی تنازعات اور امن و ترقی کے عمل کو سبوتاژ کرنے کی کوششیں شامل ہیں، شدت پسند گروہ سیکورٹی فورسز، حکومتی اہلکاروں اور مقامی رہنماؤں کو نشانہ بنا کر علاقے میں خوف و ہراس پھیلانا چاہتے ہیں۔
