پشاور، پاکستان تحریک انصاف (پی ٹی آئی) کے چیئرمین بیرسٹر گوہر علی خان نے کہا ہے کہ خیبرپختونخوا حالیہ سیلاب سے بری طرح متاثر ہوا ہے اور متعدد علاقے ابھی تک مشکلات کا شکار ہیں۔
انہوں نے مدد کے لیے پاک فوج، صوبائی اور وفاقی حکومت کا شکریہ ادا کیا، لیکن عوام کی مشکلات کے پیش نظر مزید امدادی اقدامات کی ضرورت پر زور دیا۔
نجی سے گفتگو کرتے ہوئے بیرسٹر گوہر نے کہا کہ پاک فوج اور حکومتی اداروں نے متاثرین کی مدد کے لیے بہترین کام کیا ہے، جس پر وہ شکرگزار ہیں۔ تاہم، انہوں نے واضح کیا کہ عوام کی مشکلات اتنی زیادہ ہیں کہ مزید امداد کی شدید ضرورت ہے۔
وزیراعظم شہباز شریف اور فیلڈ مارشل عاصم منیر کا سیلاب زدہ علاقوں کا دورہ، متاثرین کی امداد کا جائزہ
انہوں نے بتایا کہ ضلع بونیر میں 100 سے زائد افراد ابھی تک لاپتہ ہیں، جبکہ وہاں آباد اقلیتی برادری کے گھروں کو بھی شدید نقصان پہنچا ہے، پی ٹی آئی چیئرمین نے عوام سے اپیل کی کہ وہ دل کھول کر سیلاب متاثرین کی مالی اور مادی امداد کریں تاکہ اس مشکل گھڑی میں متاثرہ خاندانوں کو سہارا دیا جا سکے۔
