جمعیت علماء اسلام کے رہنما مولانا غفور حیدری نے کہا ہے کہ پارٹی پالیسی کے خلاف ووٹ دینے والے کے خلاف کارروائی کی جائے گی۔ پارلیمنٹ ہاؤس میں میڈیا سے گفتگو کرتے ہوئے انہوں نے واضح کیا کہ جے یو آئی نے 27 ویں آئینی ترمیم کے حق میں ووٹ نہ دینے کا فیصلہ کیا تھا۔
انہوں نے کہا کہ ان کی نظر میں آئین میں ترمیم قومی مفاد میں ہونی چاہیے، لیکن پارٹی کی حکمت عملی کے برعکس ووٹ دینے والے اراکین کے خلاف کارروائی لازمی ہوگی۔
سینیٹ کے اجلاس میں پی ٹی آئی کے سینیٹر سیف اللہ ابڑو اور جے یو آئی کے سینیٹر احمد خان نے ترمیم کے حق میں ووٹ دیا۔ اس دوران چیئرمین سینیٹ یوسف رضا گیلانی کی زیر صدارت، وزیر قانون اعظم نذیر تارڑ نے آئینی ترمیمی بل پیش کیا۔
27ویں آئینی ترمیمی بل سینیٹ میں پیش، اپوزیشن کا احتجاج اور بائیکاٹ
ستائیسویں آئینی ترمیم پر ووٹنگ کے دوران 64 ارکان نے شق 2 کے حق میں ووٹ دیا۔ تاہم، اپوزیشن ارکان نے بائیکاٹ کرتے ہوئے سینیٹ سے واک آؤٹ کر دیا۔ پی ٹی آئی کے دیگر ارکان چیئرمین کے ڈائس کے سامنے احتجاج کرتے رہے، جبکہ سینیٹر سیف اللہ ابڑو اور جے یو آئی کے احمد خان ترمیم کے حق میں کھڑے ہوئے اور ووٹ دیا۔
