وفاقی وزیر اطلاعات عطا تارڑ نے کہا کہ باتیں ہو رہی تھیں کہ پاکستان ڈیفالٹ کر جائے گا، آئی ایم ایف کو لیٹر بھی لکھے گئے مگر آج سارے اشاریے مثبت ہیں۔
وفاقی وزیر اطلاعات عطاتارڑ نے نیو یارک میں پریس کانفرنس کے دوران کہا کہ ترکیہ کے صدر نے بھی پاکستان کی معاشی بحالی کی تعریف کی، پاکستان ڈیفالٹ کر جانے کی باتیں ہوتی تھیں، آئی ایم ایف کو لیٹر بھی لکھے گئے مگر آج حالات کنٹرول میں ہیں۔
عطا تارڑ کا کہنا تھا کہ طالبان کو واپس لانے کی پالیسی غلط تھی، اس کے اثرات کے پی کے میں نظر آرہے ہیں، امریکا نے کیا ڈیمانڈ کی تھی کہ جس کے جواب میں ابسلوٹلی ناٹ کہا گیا تھا۔
وزیر اطلاعات کا کہنا تھا کہ جنرل اسمبلی میں وزیر اعظم پاکستان کا خطاب معمول سے ہٹ کر اور تاریخی ہوگا جبکہ بنگلہ دیش کیساتھ تعلقات بحال ہو رہے ہیں اور پاکستان تحریک انصاف کی بڈنگ براہ راست نشر کی جائے گی۔
ایکس کی بندش کے حوالے سے عطا تارڑ کا کہنا تھا کہ معاملہ عدالت میں ہے، عبوری حکومت نے عدالت میں جواب جمع کرایا تھا کہ ایکس پر فحش مواد کو کھلی چھوٹ ہے جبکہ انٹرنیٹ خلل کا مسئلہ چار 5 دن آیا تھا جو اب ٹھیک ہوچکا ہے۔
عطا تارڑ کا کہنا تھا کہ علیحدگی پسند تنظیمیں یہاں فعال ہیں، پاکستان کی سالمیت کا معاملہ ہے جس پر وزارت داخلہ کو بھی خدشات ہیں۔
