پاکستان میں اکثریت پسند کی شادی کے مخالف ہیں۔
حال ہی میں گیلپ پاکستان کے سروے میں یہ انکشاف ہوا ہے جس میں 52 فیصد افراد کا کہنا ہے کہ وہ پسند کی شادی کی بالکل حمایت نہیں کرتے جب کہ 39 فیصد کی جانب سے پسند کی شادی کی حمایت کی گئی۔
سروے کے مطابق پسند کی شادی پر کوئی اعتراض نہیں جبکہ حیران کن طور پر پسند کی شادی کی سب سے زیادہ مخالفت شہری آبادی کی جانب سے کی گئی ہے۔
سروے میں یہ کہنا ہے کہ شہری آبادی میں 58 فیصد کی جانب سے اس پر اعتراض کیا گیا جب کہ دیہی آبادی میں پسند کی شادی کی مخالفت کی شرح 49 فیصد دیکھی گئی۔
یاد رہے کہ پاکستان کے معاشی اور سیاسی حالات خراب ہیں، جس کی بنا پر نوجوانوں کے پاس اتنے وسائل نہیں کہ وہ اپنی ازدواجی زندگی کا آغاز کر سکیں، اوپر بیان کیے گئے سروے کو مدنظر رکھتے ہوئے اگر گفتگو کی جائے تو جو نوجوان خود مختار ہوتے ہیں، انہیں پسند کی شادی کرنے میں کوئی اتنے مسائل پیش نہیں آتے مگر جو لوگ معاشی و گھریلو مسائل کا شکار ہوتے ہیں، انہیں ارینج مریج کرنے میں کافی مشکلات پیش آتی ہیں۔
پاکستان میں منگنی، مہندی اور برات جیسی غیر ضروری رسموں کے سبب نوجوانوں کو پسند کی شادی تو بہت دور، ارینج میرج کرنے میں بھی کافی زیادہ مشکلات کا سامنا کرنا پڑ رہا ہے۔
