رہنما پی ٹی آئی حامد خان کا کہنا ہے کہ جسٹس منصور علی شاہ کے سوا کوئی دوسرا چیف جسٹس قبول نہیں۔
لاہور، رہنما پی ٹی آئی حامد خان کا کہنا ہے کہ سپریم کورٹ کا سینئر جج ہی چیف جسٹس بنے گا، جسٹس منصور علی شاہ کے سوا کوئی دوسرا چیف جسٹس قبول نہیں۔
پاکستان تحریک انصاف کے رہنماؤں نے لاہور ہائی کورٹ میں میڈیا سے گفتگو کے دوران یہ کہا کہ کل کے نیشنل کنونشن کا مقصد مجوزہ آئینی ترمیم مسترد کرنا ہے، ابھی وقت ہے نہ ہی حالات کہ ایسی آئینی ترمیم پیش کی جائے، کسی اور کورٹ کو منظور نہیں کیا جائے گا۔
رہنما پی ٹی آئی کا یہ کہنا ہے کہ وکلاء صرف سپریم کورٹ کو مانتے ہیں، ہم سپریم کورٹ کی آئینی حیثیت میں کمی نہیں آنے دیں گے۔
صدر لاہور ہائی کورٹ بار اسد منظور کا کہنا ہے کہ کابینہ اور سپریم کورٹ اپنا اپنا کام کریں، ججز کو پریشرائز کیا جا رہا ہے، سپریم کورٹ کے اندر ہی عدالت بنائی جا رہی ہے۔
اسد منظور کا کہنا ہے کہ وکلاء آئین اور سپریم کورٹ کے ساتھ ہیں، ملک بھر کے وکلا کو کال دے دی ہے، کل پاکستان بھر کے وکلا لاہور ہائی کورٹ کے کنونشن میں شامل ہوں گے۔
