اسلام آباد، وزیر دفاع خواجہ آصف نے کہا کہ کل قومی اسمبلی میں آئینی ترمیم پیش کی جائے گی۔
آج پارلیمنٹ کی راہداری میں غیر رسمی گفتگو کے دوران وزیر دفاع خواجہ آصف نے کہا کہ کل قومی اسمبلی کا اجلاس بلایا جا رہا ہے جس پر صحافی نے سوال کیا کہ کیا کل آئینی ترامیم لائی جا رہی ہیں؟
خواجہ آصف نے جواب دیا کہ جی کل اجلاس میں آئینی ترامیم پیش کریں گے، صحافی نے دوسرا سوال کیا گیا کہ کیا آئینی ترمیم کے لیے نمبر پورے ہیں، جس پر خواجہ آصف کا کہنا تھا کہ جی ہمارے پاس آئینی ترمیم کے لیے نمبر پورے ہوچکے ہیں۔
دوسری جانب وفاقی وزیر قانون اعظم نذیر تارڑ کی جانب سے کل آئینی ترمیم پیش کیے جانے کی تردید کردی گئی ہے۔
صحافی نے آئینی ترمیم پیش کیے جانے کے سوال پر اعظم نذیر تارڑ کا کہنا ہےکہ فی الحال جو اپوزیشن کے ایم این ایز کا مسئلہ پڑا ہوا ہے اس پربات چیت ہورہی ہے۔
ٓوفاقی وزیرقانون نے کہا کہ جو گرفتاریاں ہوئی ہیں اس پر وزیر داخلہ کو بھی بلایا ہے، مسئلے کے پیش نظر وہ کہہ رہے ہیں کہ پروڈکشن آرڈر رہیں گے، اگراجلاس رہے گا توپروڈکشن آرڈر رہے گا۔
صحافی نے اعظم نذیر تارڑ سے پوچھا کہ کیا کل کوئی آئینی ترمیم آرہی ہے؟جس پر وفاقی وزیر قانون نے کہا کہ مجھ سے زیاد ہ آپکو پتا ہے۔
