سربراہ جے یوآئی (ف) کا کہنا تھا کہ کے پی میں گورنر راج لگانے کے حالات نہیں ہیں۔
اسلام آباد، سربراہ جمعیت علمائے اسلام مولانا فضل الرحمان نے کہا کہ خیبر پختونخوا میں گورنر راج کی باتیں ہو رہی ہیں، کے پی حکومت میں گورنر راج لگانے کے حالات نہیں ہیں۔
قومی اسمبلی میں صحافیوں سے گفتگو کرتے ہوئے سربراہ جے یوآئی (ف) کا کہنا تھا کہ کے پی حکومت مختلف اضلاع میں امن و امان کے حالات اچھے نہیں، کیا گورنر میں یہ صلاحیت ہے کہ وہ حالات کو کنٹرول کرسکے۔
مولانا فضل الرحمان کی جانب سے وزیراعلیٰ علی امین گنڈاپور کے افغانستان سے ڈائریکٹ بات چیت کے بیان کو جذباتی بات قرار دیدیا گیا ہے، یہ جذباتی باتیں ہیں، انکا حقیقت سے کوئی تعلق نہیں ہے۔
مولانا فضل الرحمان کا کہنا تھا کہ ہم نے آئینی ترمیم کے متعلق بھی اپنی پارٹی پوزیشن واضع کر دی، ہم نے اس متعلق گزشتہ روز اپنا موقف واضع کر دیا تھا، یعنی جے یو آئی ووٹ نہیں کرے گی۔
سربراہ جے یو آئی (ف) کا کہنا تھا کہ ہم نے اصلاحات کے متعلق جو تجاویز دی ہیں اس حوالے سے کوئی چیز آتی ہے تو اس پر غور ہوگا۔
دوسری جانب اسپیکر قومی اسمبلی سردار ایاز صادق کی جانب سے پارلیمنٹ لاجز کو سب جیل قرار دے دیا گیا ہے، قومی اسمبلی سیکرٹریٹ کی طرف سے متعلقہ پولیس حکام کو ہدایت جاری کردی گئی۔
اسپیکر ایاز صادق نے تحریک انصاف کے گرفتار اراکین سے فارمز پر دستخط کروائے، تحریک انصاف کے گرفتار اراکین قومی اسمبلی کو پارلیمنٹ لاجز میں رکھا جائے گا۔
