156
اسپیکر قومی اسمبلی سردار ایاز صادق کی جانب سے میثاق پارلیمنٹ کی تجویز دیدی گئی۔
قومی اسمبلی کا اجلاس اسپیکر ایاز صادق کی زیر صدارت ہوا جس میں تحریک انصاف کے ارکان کی جانب سے گرفتار ارکان کے پروڈکشن آرڈر جاری کرنے کا مطالبہ کیا گیا ہے۔
اسپیکر ایاز صادق کا کہنا تھا کہ قیادت اکٹھی بیٹھے نہ بیٹھے، اراکین پارلیمنٹ تو اکٹھے بیٹھ سکتے ہیں، پارلیمنٹ کی عزت کیلئے اکٹھا ہونا پڑے گا، ہم بیٹھ کر چارٹر آف پارلیمنٹ سائن نہیں کرسکتے؟
ایاز صادق کا کہنا تھا کہ پہلے بھی بات ہوئی تھی کہ ہم دو تہائی ہیں اور اپوزیشن ایک تہائی ہے، اپوزیشن کو بات کرنے کا زیادہ موقع ملا ہے، اپوزیشن اگر پارلیمنٹ میں نہیں بولے گی تو پھر کہاں بولے گی، اپوزیشن کو بات کرنی چاہیے۔
اسپیکر قومی اسمبلی نے اراکین سے کہا کہ جو حادثہ ہوا اس کی تہہ تک جانے کی کوشش کروں گا، آپ میرے گھر آئیں، ہاؤس کی پروسیڈنگ اکیلی حکومت یا اپوزیشن نہیں چلاسکتی ہے۔
