کوئٹہ، وزیراعلیٰ بلوچستان سرفراز بگٹی نے کہا کہ بلوچستان میں دہشتگردوں کو کسی قسم کی کوئی رعایت نہیں ملے گی۔
کابینہ اجلاس سے گفتگو کے دوران وزیراعلیٰ بلوچستان سرفراز بگٹی کا کہنا تھا کہ بلوچستان میں حالیہ دنوں میں دہشتگردی دیکھنے میں آئی، کل بلوچستان اسمبلی کی جانب سے یک زبان ہوکر دہشتگردی کی مذمت کی گئی۔
وزیراعلیٰ سرفراز بگٹی کا یہ کہنا تھا کہ یہ مٹھی بھر دہشتگرد سوفٹ ٹارگٹ ڈھونڈتے ہیں، یہ بسوں سے اتار کرمعصوم لوگوں کی ٹارگٹ کلنگ کرتے ہیں۔
سرفراز بگٹی کا کہنا تھا کہ بلوچستان ہمیشہ جنگوں میں رہا، روایات کے مطابق چیزیں ہوتی تھیں، یہ بلوچیت کے نام پر ضرور ہے لیکن ان کا بلوجستان سے کوئی تعلق نہیں، یہ کسی بلوچ نے پشتون یا پنجابی کو قتل نہیں کیا، یہ دہشتگردوں نے پاکستانی شہید کیے ہیں۔
وزیراعلیٰ بلوچستان کا کہنا تھا کہ ہر روز صوبائی حکومت کا کوئی نہ کوئی سیکرٹری ہر ضلع میں ہونا چاہیے، ہم دن گزرنے کیساتھ گورننس کو ٹھیک کریں گے۔
وزیراعلیٰ بلوچستان کا کہنا تھا کہ بلوچستان کے لوگوں کی حکومت ذہین طالبعلم بچیوں کو ہارورڈ اور آکسفورڈ بھیج رہی ہے، اب بلوچستان کے لوگوں نے ہمارے اور دہشتگردوں میں فرق ڈھونڈنا ہےاور یہ خدمت کا سفر جاری رہے گا۔
