156
ٹھٹھہ، وزیراعلیٰ سندھ مراد علی شاہ کا یہ کہنا ہے کہ بارش سے سندھ کے مختلف علاقوں سمیت کراچی میں خطرہ ہے۔
سجاول میں میڈیا سے گفتگو کرتے ہوئے مراد علی شاہ کا یہ کہنا ہے کہ بھارت اور بنگلا دیش سے بننے والا سسٹم 2 دن سے سندھ میں برس رہا ہے جس کی وجہ سے سب سے زیادہ بارش تھرپارکر میں ہوئی ہے۔
مراد علی شاہ نے کہا کہ کل سے تھرپارکر، سجاول، ٹھٹھہ، عمرکوٹ، شہید بینظیرآباد کے ضلعوں میں زیادہ خطرات ہیں، جب کہ دریا کے دوسری طرف اضلاع کیرتھر رینج، قمبر شہداد کوٹ، لاڑکانہ، جیکب آباد، دادو اور جامشورو میں بھی خطرہ ہے۔
وزیراعلیٰ سندھ کا یہ کہنا تھا کہ کراچی شہر میں بھی خطرہ ہے، اس سلسلے میں میٹنگ کا سلسلہ بھی جاری ہے، ہر ضلع میں اپنے کابینہ کے لوگ فوکل پرسن مقرر کیے ہیں۔
دریائے سندھ میں بہت تیز بہاؤ ہے، کراچی سے دیکھتا آرہا ہوں ہر جگہ صورتحال مینج اور انتظامی کنٹرول میں ہے تاہم بدین میں کچھ شکایت ہے جسے حل کریں گے۔
