275
پاکستان آرمی کی ٹیم نے گولڈ میڈل جیت لیا۔
پاکستان آرمی کی ٹیم کی جانب سے ایکسر سائز کیمبرین پٹرول میں گولڈ میڈل جیت لیاگیا ۔
آئی ایس پی آر نے بتایا ہے کہ مشقیں 4 سے 13 اکتوبر تک انگلینڈ، ویلز میں جاری رہیں، رواں برس ایکسرسائز کیمبرین پٹرول کے 65 سال بھی مکمل ہو گئے۔
آئی ایس پی آر کا کہنا تھا کہ مشقوں میں 42 ملکوں کی 128 ٹیموں کی جانب سے حصہ لیاگیا، قومی ٹیم نے48 گھنٹے میں 60 کلومیٹر کا فاصلہ طے کیا۔
آئی ایس پی آرکا کہنا تھا کہ دنیا بھرسے آنے والے دستوں کو مشکل اور دشوار گزار ماحول میں جنگی حکمت عملی کے ساتھ آگے بڑھنا پڑا ، پاکستانی فوج کی ٹیم نے پیشہ وارانہ مہارت کا مظاہرہ کیا اور گولڈ میڈل جیتا۔
قومی ٹیم کا گولڈ میڈل پوری قوم اور خصوصاََپاک فوج کیلئے قابل فخر لمحہ ہے۔
