وزیراعلیٰ خیبرپختونخوا علی امین گنڈاپور کی مشیر برائے سماجی بہبود مشعال یوسفزئی کو عہدے سے ہٹا دیا گیا۔
وزیر اعلیٰ خیبرپختونخوا کی مشعال یوسفزئی کو ڈی نوٹیفائی کرنے کی سمری پر گورنرخیبرپختونخوا کی جانب سے دستخط کر دیے گئے ہیں۔
گورنر فیصل کریم کنڈی کی جانب سے مشعال یوسفزئی کو بطور مشیر ڈی نوٹیفائی کرنے کی منظوری دے دی گئی ہے۔
گورنر فیصل کریم کنڈی کی منظوری اور دستخط کے بعد سمری صوبائی حکومت کو واپس بجھوا دی گئی ہے۔
واضح رہے کہ گزشتہ دنوں خبریں سامنے آئیں تھیں کہ مشعال یوسفزئی کے پارٹی کے مرکزی معاملات میں مداخلت پر اعتراض ہے، پارٹی کے سینئر رہنما نے ڈی نوٹیفائی مشعال کا میسج علی امین گنڈاپور کو بھیجا، سینیئر رہنما نے سابق وزیراعظم عمران خان کے کہنے پر میسج وزیر اعلیٰ کو بھیجا۔
ذرائع کے مطابق مشعال یوسفزئی صوبے کو چھوڑ کر مرکز میں زیادہ رہتی تھیں، ان کے خلاف سابق وزیراعظم پاکستان کو سینئر قیادت کی جانب سے شکایات ملیں۔
ذرائع کے مطابق مشعال یوسفزئی پر ہر جگہ بشریٰ بی بی کا نام استعمال کرنے کا بھی الزام ہے۔
