115
عمران خان کی 6، بشریٰ بی بی کی ایک مقدمے میں عبوری ضمانت میں 21 اکتوبر تک توسیع
اسلام آباد کی سیشن عدالت نے بانی پی ٹی آئی عمران خان کی 6 اور انکی اہلیہ کی ایک مقدمے میں عبوری ضمانت میں توسیع کردی۔
ڈسٹرکٹ اینڈ سیشن کورٹ کے جج افضل مجوکا نے عمران خان کی 6 اوربشریٰ بی بی کی ایک مقدمے میں ضمانت قبل از گرفتاری کی درخواست پر سماعت کی۔
عمران خان کے وکیل زاہد بشیر عدالت میں پیش ہوئے،سماعت ملتوی کرنے کی استدعا کرتے ہوئے ان کا کہنا تھا کہ سینئر کونسل لاہور میں دیگر کیسز میں مصروف ہیں اور سلمان صفدر آج عدالت پیش نہیں ہو سکتے۔
بعد ازاں عدالت نے عمران خان کی 6 اور انکی اہلیہ بشریٰ بی بی کی ایک مقدمے میں عبوری ضمانت میں 21 اکتوبر تک توسیع کر دی۔
