امیر جماعت اسلامی حافظ نعیم نے حکومت کو آئینی ترمیم کے معاملے پر چھیڑ چھاڑ نہ کرنے کا مشورہ دیدیا ہے۔
لاہور، امیر جماعت اسلامی حافظ نعیم کی جانب سے موجودہ حالات کے تناظر میں حکومت کو آئینی ترمیم کے معاملے پر چھیڑ چھاڑ نہ کرنے کا مشورہ دیدیا گیا ہے۔
لاہور میں پریس کانفرنس کرتے ہوئے امیرجماعت اسلامی حافظ نعیم الرحمان کا کہنا تھا کہ جماعت اسلامی کی حق دو عوام کو تحریک زور و شور سے جاری ہے۔
آئین میں ترمیم کے حوالے سے بل پر نعیم الرحمان نے کہا کہ موجودہ حالات کے تناظر میں یہ بل ملک کیلئے خطرناک بات ہوگی، حکومت کو اس معاملے کو نہیں چھیڑنا چاہیے۔
حافظ نعیم الرحمان کا یہ کہنا تھا کہ تحریک انصاف کے رہنما سلمان اکرم راجا نے بیان دیتے ہوئے یہ کہا کہ ان کے لوگوں کو ڈرایا دھمکایا جارہا ہے لہٰذا سلمان اکرم کے بیان پر نوٹس لیا جائے اور انکوائری کرائی جائے۔
امیر جماعت اسلامی نے کہا کہ کے پی اور بلوچستان کے مسائل پر سوال اٹھنا شروع ہوگئے ہیں امریکہ نوازی کی وجہ سے ملک میں بے امنی کے حالات پیدا ہوئے ہیں۔
